Finlandyja i Šviecyja ŭpieršyniu razam padniali ŭ pavietra źniščalniki dla pierachopu rasijskich vajskovych samalotaŭ
Incydent adbyŭsia ŭčora.
Fota: VPS Finlandyi
Źniščalniki sił chutkaha reahavańnia Finlandyi i Šviecyi byli padniatyja pa tryvozie dla pierachopu i identyfikacyi rasijskich vajskovych samalotaŭ u mižnarodnaj pavietranaj prastory nad Finskim zalivam 24 vieraśnia, paviedamlajecca ŭ aficyjnym akaŭncie X Vajskova-pavietranych sił Finlandyi.
Heta była pieršaja padobnaja sumiesnaja apieracyja dźviuch krain. Pavodle Bloomberg, u pavietra byli padniatyja finskija F/A-18 Hornet i šviedskija JAS 39 Gripen.
U składzie rasijskaj avijahrupy byli vyjaŭlenyja Tu-134, MiH-31 i Su-30, paviedamili ŭ VPS Finlandyi.