U Charvatyi ŭ mieniu restaranaŭ źjaviacca dźvie cany na adnu stravu
Aktualnaja i što była niejki čas tamu.
Stalica Charvatyi Zahrab, fota Beata Zawrzel/NurPhoto via Getty Images
Z 1 kastryčnika ŭ charvackich restaranach i kaviarniach pobač z aktualnaj canoj daviadziecca ŭkazvać jašče adnu — tak zvanuju «jakarnuju». Heta cana, jakaja dziejničała na tuju ž stravu abo napoj 10 vieraśnia 2026 hoda. Novaje praviła zamacavana rašeńniem urada Charvatyi, piša Bild.
Naprykład, kali kava ciapier kaštuje €4, pobač ź joj pavinna być ukazana cana, jakaja dziejničała 10 vieraśnia. Klijent zapłacić tolki aktualnuju canu, a druhaja ličba patrebnaja dla paraŭnańnia i pavinna pakazvać źmianieńnie cany.
Patrabavańnie datyčycca nie tolki drukavanych mieniu: dźvie cany daviadziecca ŭkazvać taksama na sajtach ustanoŭ i na vonkavych rekłamnych šyldach, dzie paznačany ceny na ježu i napoi.
Za parušeńni praduhledžanyja štrafy. U asobnych vypadkach jany mohuć dasiahać amal €2000, a dla niekatorych kampanij — da €27 000.
Charvackija restaratary ŭžo krytykujuć novaŭviadzieńnie. Kiraŭnik Zahrabskaj asacyjacyi restarataraŭ Franc Letyka zajaviŭ, što dźvie cany mohuć zabłytać naviedvalnikaŭ i pryvieści da «kurjoznych scen» za stolikami.