Tramp adchiliŭ prapanovu Irana adkryć Armuzski praliŭ i spynić bajavyja dziejańni ŭ rehijonie na siem dzion
Prezident ZŠA ličyć imaviernym adnaŭleńnie bambardzirovak paśla listapadaŭskich vybaraŭ u Kanhres.
Fota: Andrew Harnik / Getty Images
Donald Tramp adchiliŭ prapanovu Irana adkryć Armuzski praliŭ i spynić bajavyja dziejańni ŭ rehijonie na siem dzion. Pra heta The Wall Street Journal paviedamiła sa spasyłkaj na nienazvanych amierykanskich čynoŭnikaŭ.
Pavodle źviestak haziety, Tramp u pryvatnych razmovach z supracoŭnikami vykazaŭ sumnievy ŭ tym, što Iran vykanaje jaho patrabavańni, i zajaviŭ, što ličyć vierahodnym adnaŭleńnie bambardzirovak paśla listapadaŭskich vybaraŭ u Kanhres.
Niezadoŭha da publikacyi WSJ ministr zamiežnych spraŭ Irana Abas Arahčy paviedamiŭ, što Tehieran pieradaŭ ZŠA mirny płan, jaki praduhledžvaje siamidzionny adlik da adkryćcia Armuzskaha praliva i prypynieńnia bajavych dziejańniaŭ u rehijonie.