Žychar Minska atrymaŭ 22‑ju sudzimaść
Apošniuju na nastupny incydent.
U lipieni 2025 hoda 37‑hadovy mužčyna ŭ parku Pieramohi arandavaŭ na sutki ŭ punkcie prakatu elektrasamakat koštam 2 201 rubiel. Adnak viartać transpartny srodak pradprymalniku nie mieŭ namieru i zdaŭ jaho ŭ łambard. Vyručanyja hrošy jany z sužycielkaj patracili na asabistyja patreby, pišuć Minsk-naviny.
Kali termin arendy skončyŭsia, rabotnik prakatu źviazaŭsia z klijentam. Toj adkazaŭ, što nibyta nie paśpiavaje viarnuć samakat, i paprasiŭ padoŭžyć termin jašče na dvoje sutak, na što pradprymalnik vymušana pahadziŭsia. Paśla hetaha afieryst pierastaŭ vychodzić na suviaź.
Tak i nie dačakaŭšysia viartańnia majomaści, indyvidualny pradprymalnik źviarnuŭsia z zajavaj u milicyju. U dačynieńni da złamyśnika raspačali čarhovuju kryminalnuju spravu.
U sudovym pasiadžeńni vinu mužčyna całkam pryznaŭ.
— Abvinavačany raźviedzieny, nidzie aficyjna nie pracavaŭ, raniej 21 raz pryciahvaŭsia da kryminalnaj adkaznaści, u tym liku i za majomasnyja złačynstvy, — prakamientavaŭ staršy prakuror pa asablivych daručeńniach Dźmitryj Chavaŭka.
Mužčynu asudzili na try hady i šeść miesiacaŭ, jakija jon praviadzie ŭ papraŭčaj kałonii va ŭmovach strohaha režymu, a taksama prysudzili štraf 1 050 rubloŭ. Akramia taho, abvinavačany pavinien pakryć škodu, pryčynienuju złačynstvam.