Usievaład Ścieburaka. My sychodzim u vierasień
Paet Usievaład Ścieburaka apublikavaŭ u svaim fejsbuku novy vierš.
My sychodzim u vierasień
zołkaj imžystaju ranicaj,
kavy prysmak harkavy —
u kubku apošniaha dnia.
my sychodzim i śled
naš iznoŭku na hod prytumanicca,
pyrski ź viosłaŭ, jak kropli ad serca,
što pićmiem da dna.
My sychodzim u vierasień
hronki kaliny čyrvonaje
pavaroty padsiviečvajuć
niby dajuć nam sihnał,
my sychodzim i režam
čoŭnam lustra chałodnaje čornaje
ale heta nie finiš
a prosta siezonu finał.
My sychodzim u vierasień
ź vieraju ŭ samaje lepšaje.
Ptuški ŭ vyraj na poŭdzień,
a my — u asfaltavy port.
My čakajem sustrečy
i zhody nie budzie na mienšaje,
tolki projdzie zima
tolki my pastalejem na hod.