Biełarusa Lva Michiejeva vyzvalili ŭ Armienii paśla zatrymańnia
Da spravy padklučylisia biełaruskija pravaabaroncy ŭ Hruzii i Armienii, pradstaŭniki armianskaha i hruzinskaha bakoŭ, a taksama jurysty Ofisa Śviatłany Cichanoŭskaj.
Fota z archivu Ramana Kiślaka
Biełarus Leŭ Michiejeŭ, jakoha paśla vysyłki z Hruzii zatrymali na armianskaj miažy praź miždziaržaŭny vyšuk pa zapycie biełaruskich uładaŭ, vyzvaleny, paviedamlaje APK.
Z učorašniaha viečara da situacyi dałučylisia biełaruskija pravaabaroncy ŭ Hruzii i Armienii, pradstaŭniki armianskaha i hruzinskaha bakoŭ, a taksama jurysty Ofisa Śviatłany Cichanoŭskaj. Kamanda kaardynavała dziejańni i źviazvałasia z tymi, chto moh dapamahčy damahčysia jak maha chutčejšaha vyzvaleńnia biełarusa.
«Vialikaja padziaka ŭsim, chto byŭ uciahnuty ŭ hety praces: biełaruskim pravaabaroncam u Hruzii i Armienii, armianskamu i hruzinskamu bakam, jurystam Ofisa Śviatłany Cichanoŭskaj. Asobnaja padziaka pravaabaroncu i jurystu, našamu kalehu z Kaardynacyjnaj rady Ramanu Kiślaku. Usia kamanda z učorašniaha viečara, daviedaŭšysia pra zatrymańnie Lva, pracavała, kaardynavała svaje dziejańni i źviazvałasia z usimi, chto moh dapamahčy damahčysia jaho jak maha chutčejšaha vyzvaleńnia», — adznačyła vykonvajučaja abaviazki pradstaŭnicy APK pa sacyjalnaj palitycy Julija Mickievič.
Čytajcie taksama:
Zatrymanaha ŭ Hruzii biełarusa vysłali ŭ Armieniju, dzie jaho taksama zatrymali
U Hruzii zatrymali biełarusa, jaki piać hadoŭ čakaje na palityčny prytułak