Ciahnik, jaki išoŭ z rasijskaj Anapy ŭ Minsk, zatrymaŭsia ŭ darozie praz paškodžańnie ŭkraincami čyhunki na Branščynie
Pasažyrski ciahnik №489 Anapa — Minsk zatrymlivajecca ŭ darozie praz paškodžańnie čyhunačnaha pałatna ŭ vyniku ataki USU, paviedamiŭ vykanaŭca abaviazkaŭ hubiernatara Branskaj vobłaści Jahor Kavalčuk.
Fota ilustracyjnaje
Paškodžany ŭčastak čyhunki znachodzicca na terytoryi Uniečskaha rajona Branščyny. U suviazi z hetym časova spynili ruch dvuch hruzavych ciahnikoŭ — z Branska va Unieču i sa Złynki ŭ Bransk. Taksama admianili pryharadny ciahnik Unieča — Počap.
Akramia taho, zatrymalisia dva pasažyrskija ciahniki: №85 Maskva — Navazybkaŭ i №489 Anapa — Minsk.
Raniej Biełaruskaja čyhunka paviedamlała, što ciahnik z Anapy ŭ Minsk nakiravali abjaznym maršrutam — praz Smalensk i Oršu zamiest zvyčajnaha šlachu praz Homiel i Asipovičy. Pavodle infarmacyi anłajn-tabło na stancyi Minsk-Pasažyrski, prybyćcio ciahnika ŭ stalicu čakałasia ŭ subotu ŭ 16:10.
Jahor Kavalčuk taksama paviedamiŭ pra ataku na čyhunačnuju stancyju ŭ Klincach. Pavodle jaho słoŭ, zahinułych i paranienych niama, ale paškodžańni atrymaŭ łakamatyŭ hruzavoha ciahnika, jaki znachodziŭsia na puciach.
U Navazybkaŭskaj haradskoj akruzie ŭ vyniku ataki bieśpiłotnikaŭ taksama była paškodžanaja televieža.
Čytajcie taksama:
Z 28 vieraśnia niekatoryja ciahniki źmieniać raskład
Rasijski dron trapiŭ pa pasažyrskim ciahniku kala polskaj miažy
U Francyi syšoŭ z rejek pasažyrski ciahnik, padobna da dyviersii