Na aŭkcyjon vystaviać Bentley Jelizaviety II
Aŭtamabil prajechaŭ kala 10 tysiač kiłamietraŭ i zachavaŭ numar, pad jakim vykarystoŭvaŭsia karaleŭskim dvarom. Mašynu acanili ŭ 400—450 tysiač jeŭra.
Bentley Mulsanne Extended Wheelbase 2016 hoda byŭ adnym z dvuch takich aŭtamabilaŭ, zroblenych dla Jelizaviety II. Druhi ekzemplar ciapier zachoŭvajecca ŭ histaryčnaj kalekcyi Bentley, tamu vystaŭlenaja na aŭkcyjon mašyna, chutčej za ŭsio, zastaniecca adzinaj, što trapiła ŭ pryvatnyja ruki.
Sałon śpiecyjalna prystasavali dla karalevy: jaho azdobili skuraj, arechavym šponam i dyvanami z aviečaj voŭny. U draŭlanyja paneli ŭmantavali karaleŭski hierb, a zamiest piaredniaha centralnaha padłakotnika zrabili padstaŭku pamieram ź lubimuju sumačku Jelizaviety II marki Launer London.
Paśla zakančeńnia karaleŭskaj słužby hierb i padstaŭku demantavali. Mašyna, adnak, zachavała rehistracyjny numar DG66 OKM.
Tarhi projduć anłajn z 5 da 14 kastryčnika.