«Dapamažycie, maju mamu zabivajuć!» 11‑hadovaja dziaŭčynka patelefanavała ŭ milicyju padčas svarki baćkoŭ
Na baćku zaviali kryminalnuju spravu.
11‑hadovaja dziaŭčynka patelefanavała ŭ milicyju i raskazała, što baćki svaracca, a tata pavodzić siabie vielmi ahresiŭna. Pavodle jaje słoŭ, jon pahražaŭ zabić mamu.
Siłaviki vyjechali na adras i zatrymali 42‑hadovaha ślesara. Jon byŭ pjany.
Sužency pasvarylisia praz reŭnaść. Nieŭzabavie słaviesnaja pierapałka pierarasła ŭ surjozny kanflikt: mužčyna pačaŭ kidać u žančynu kresłam i pahražaŭ zabojstvam. Usio heta adbyvałasia na vačach u dziaciej. Dziaŭčynka nie razhubiłasia i patelefanavała ŭ milicyju.
Žančyna raskazała, što doŭha ciarpieła ahresiŭnyja pavodziny muža i nie źviartałasia pa dapamohu — chacieła zachavać siamju.
Na muža zaviali kryminalnuju spravu za pahrozu zabojstvam.