Viktar Prakapienia zarehistravaŭ u Polščy jašče adnu kampaniju
Heta varšaŭskaje adździaleńnie jaho fintech-hrupy Capital Com Group.
U viadomaha biznesmiena Viktara Prakapieni niekalki miesiacaŭ tamu ŭ Polščy źjaviłasia jašče adna struktura. Heta varšaŭskaje adździaleńnie jaho fintech-hrupy Capital Com Group (Kipr), paviedamlaje Vadzim Siachovič u svaim telehram-kanale.
Asnoŭny napramak dziejnaści novaj jurydyčnaj asoby pavodle PKD — «dziejnaść pa akazańni finansavych pasłuh, za vyklučeńniem strachavych i piensijnych fondaŭ».
Z 2021 i 2022 hadoŭ u Varšavie pracujuć ofisy dvuch centraŭ raspracoŭki biznesmiena, jaki pražyvaje ŭ Łondanie, — Digital Services Poland i oddzial w Polsce Capital Com IP.
Pavodle vynikaŭ 2025 hoda ich sukupnaja vyručka vyrasła na 60% i skłała 44,3 młn jeŭra ŭ ekvivalencie.
Što tyčycca čystaha prybytku, to, pavodle danych KRS, tut taksama nazirajecca stanoŭčaja dynamika. Jaho abjom pavialičyŭsia z 1,5 młn jeŭra ŭ 2024 hodzie da 2,8 młn u 2025‑m — na 87%.