Samakatčyk zabiŭsia, udaryŭšysia hałavoj ab tramvajnyja rejki
Niaščaście zdaryłasia ŭ adnu ź letnich načej u Minsku na skryžavańni Mašerava i Staražoŭskaj.
Sa słoŭ vidavočcaŭ, niećviarozy mužčyna ŭpaŭ z samakata i pry padzieńni ŭdaryŭsia hałavoj ab tramvajnyja rejki, paśla čaho pierastaŭ ruchacca, paviedamlaje Dziaržkamitet sudovych ekśpiertyz.
Dziakujučy reanimacyjnym mierapryjemstvam bryhadzie chutkaj miedycynskaj dapamohi, jakaja prybyła na miesca, udałosia adnavić sardečnuju dziejnaść. Mužčynu špitalizavali ŭ reanimacyjnaje adździaleńnie, adnak praź siem dzion jon pamior, nie prychodziačy ŭ prytomnaść.
Sudova-miedycynskaja ekśpiertyz vyznačyła, što śmierć mužčyny nastupiła ad spałučanaj tupoj traŭmy cieła (šmatlikija drapiny i krovapadcioki na tvary i ciele, šmataskiepkavy pierałom nosa i šyjnaha pazvanka, krovaźlićci i paškodžańni śpinnoha mozhu), što pieraciakło ŭ komu, raźvićcio sindromu paliorhannaj niedastatkovaści (parušeńnia funkcyj dvuch i bolš orhanaŭ) i šerahu inšych uskładnieńniaŭ.