U 19 krainach Jeŭropy prajšli dziasiatki pieratrusaŭ pa spravie ab prodažy miljona padroblenych smartfonaŭ
Siamiora padazravanych byli zatrymanyja jašče da pačatku masavych pieratrusaŭ.
Ilustracyjnaje fota. Fota: Long Wei/VCG via Getty Images
U 19 jeŭrapiejskich krainach prajšło kala 160 pieratrusaŭ pa spravie ab maštabnym prodažy padroblenych smartfonaŭ. Pavodle danych sumiesnaha rasśledavańnia WDR, NDR i Süddeutsche Zeitung, mierkavanaja złačynnaja hrupoŭka z 2017 hoda mahła pradać praz Amazon i inšyja internet-placoŭki kala miljona telefonaŭ, vydajučy ich za novyja pryłady Samsung, piša Bild.
Siamiora padazravanych byli zatrymanyja jašče da pačatku masavych pieratrusaŭ.
Śledstva ličyć, što telefony źbirali z byłych va ŭžyvańni kamplektujučych, nabytych u Azii i arabskich krainach. Detali čyścili i nanova źbirali ŭ majsterniach u Dubai i Hankonhu, paśla čaho pryłady pakavali tak, kab vonkava ich było ciažka adroźnić ad aryhinalnych. Adnym z centraŭ schiemy byŭ skład u Krefieldzie, dzie śledčyja vyjavili tysiačy takich smartfonaŭ.
Pavodle danych śledstva, z 2017 hoda sietka atrymała ad prodažaŭ nie mienš za 300 młn jeŭra. Akramia taho, tolki ŭ Hiermanii padazravanyja mahli ŭchilicca ad vypłaty jak minimum 24 młn jeŭra padatkaŭ z dapamohaj sietki padstaŭnych kampanij i fiktyŭnych transhraničnych pastavak.