Estonija abvinavaciła rasijskija śpiecsłužby ŭ padpale budynka Milrem Robotics u Talinie
USU vykarystoŭvajuć jaje husieničnyja płatformy THeMIS.
Fota EDR
Pažar u budynku abaronnaj kampanii Milrem Robotics byŭ naŭmysnym padpałam, arhanizavanym pa zamovie rasijskich śpiecsłužbaŭ. Pra heta paviedamiŭ kiraŭnik MZS Estonii Marhus Cachkna, piša «Novaja hazieta Jeŭropa».
Pavodle słoŭ kiraŭnika MZS, estonskija ŭłady razhladajuć toje, što adbyłosia, jak častku bolš šyrokaj kampanii Rasii ŭ Jeŭropie, meta jakoj — zapałochać jeŭrapiejskija krainy i asłabić ich padtrymku Ukrainy.
29 vieraśnia MZS Estonii vyklikała časovaha pavieranaha ŭ spravach Rasii Lenara Salimulina. Kreml adchiliŭ abvinavačańni, nazvaŭšy ich «hałasłoŭnymi».
Uzharańnie adbyłosia ŭ noč na 15 žniŭnia na vulicy Bietani ŭ Talinie. Ahoń chutka patušyli, paciarpiełych nie było. Pa spravie zatrymali troch hramadzian Łatvii.
Kampanija Milrem Robotics vyrablaje bieśpiłotnuju naziemnuju vajskovuju techniku. USU vykarystoŭvajuć jaje husieničnyja płatformy THeMIS.