U Baranavičach žančyna parvała pašpart byłoha muža. Ciapier joj pahražaje kryminałka
U Baranavičach žančyna parvała pašpart svajho byłoha muža. Za źniščeńnie asabistaha dakumienta joj moža pahražać kryminalnaja adkaznaść — až da dvuch hadoŭ pazbaŭleńnia voli, paviedamlaje UUS Bresckaha abłvykankama.
Fota: UUS Bresckaha abłvykankama
34‑hadovaja žančyna znachodziłasia ŭ aŭtamabili, jaki raniej naležaŭ siamji, i padčas čarhovaha kanfliktu z byłym mužam naŭmysna parvała jaho pašpart.
Praź niekatory čas 35‑hadovy mužčyna znajšoŭ paškodžany dakumient u mašynie i źviarnuŭsia ŭ milicyju. Jak paviedamili va UUS Bresckaha abłvykankama, byłyja sužency ŭžo praciahły čas kanfliktujuć, svaracca i vyśviatlajuć adnosiny.
U milicyi nahadali, što asabistyja dakumienty hramadzian, u tym liku pašparty, vajskovyja bilety i paśviedčańni kiroŭcy, achoŭvajucca zakonam. Ich kradziež abo naŭmysnaje źniščeńnie moža pryvieści da kryminalnaj adkaznaści niezaležna ad taho, ci adbyłosia heta padčas kanfliktu pamiž svajakami abo byłymi blizkimi ludźmi.
Za kradziež abo źniščeńnie asabistych dakumientaŭ pavodle artykuła 378 Kryminalnaha kodeksa praduhledžvajucca hramadskija raboty, štraf, aryšt, abmiežavańnie voli da dvuch hadoŭ abo pazbaŭleńnie voli na taki ž termin.
Čytajcie taksama:
Matrosa-vyratavalnika źbili z-za zaŭvahi vyjści z vady. «Ja jašče i vinavaty»
Za niebiaśpiečny trend z sacsietak biełarusam pahražajuć štrafami
U Maładziečnie mieścič stralaŭ ź pnieŭmatyčnaha pistaleta pa voknach doma