U Hiermanii mužčyna spaliŭ histaryčnaje raśpiaćcie XVII stahodździa
U horadzie Łuka ŭ niamieckaj Ciurynhii nieviadomy padpaliŭ histaryčnaje raśpiaćcie ŭ carkvie Śviatoha Pankracija. Draŭlanaje raśpiaćcie, stvoranaje ŭ 1649 hodzie, praktyčna całkam źniščana ahniom i, pavodle papiaredniaj infarmacyi, adnaŭleńniu nie padlahaje, paviedamlaje Bild.
Ahoń taksama paškodziŭ ałtar i inšyja elemienty interjeru. Paśla zdareńnia carkvu zakryli. Pažar na dośvitku zaŭvažyli miascovyja žychary, dziakujučy čamu ŭdałosia nie dapuścić jašče bolšych razbureńniaŭ.
Pavodle infarmacyi Bild, na ałtary paśla zdareńnia byli vyjaŭlenyja svastyki. Nieŭzabavie paśla pažaru zatrymali 47‑hadovaha miascovaha žychara, jakoha padazrajuć u padpale.
Matyvy zdareńnia pakul nie ŭstanoŭlenyja. Pradstaŭniki carkoŭnaj supolnaści padkreślivajuć, što na hety momant u ich niama infarmacyi, jakaja śviedčyła b pra relihijny abo palityčny charaktar napadu.
Čytajcie taksama:
Estonija abvinavaciła rasijskija śpiecsłužby ŭ padpale budynka Milrem Robotics u Talinie
Vynieśli prysud barmienu-biełarusu, jaki płanavaŭ padpał składa ŭ Polščy
Stali viadomyja padrabiaznaści pra maštabny pažar na staličnym parkinhu