Archieołahi raskazali, što sioleta raskapali na Bancaraŭščynie pad Minskam
U 2026 hodzie spoŭniłasia 100 hadoŭ z pačatku pieršych navukovych raskopak na haradziščy Bancaraŭščyna ŭ Minskim rajonie — adnym z najbolš viadomych pomnikaŭ biełaruskaj archieałohii. Ale daśledavańni tut praciahvajucca i da siońnia, dazvalajučy pa-novamu pahladzieć na chranałohiju, materyjalnuju kulturu i płaniroŭku staražytnaha pasielišča, paviedamlaje Instytut historyi Nacyjanalnaj akademii navuk Biełarusi.
Fota: t.me/iinanb
Padčas sioletniaj archieałahičnaj ekśpiedycyi pad kiraŭnictvam navukovaj supracoŭnicy Instytuta historyi NAN Biełarusi Ełony Laškievič daśledčyki atrymali niekalki važnych vynikaŭ.
Fota: t.me/iinanb
Na schile haradzišča archieołahi znajšli raniej nie zaŭvažanyja elemienty abarončaj sistemy, u tym liku pačatak staražytnaha rova. Taksama na miescy stajanki epochi rańniaha niealitu, mahčyma, było vyjaŭlena novaje pasielišča.
Jašče adnoj znachodkaj stała bronzavaja špilka, jakuju nazyvajuć unikalnym dla žaleznaha vieku Centralnaj Biełarusi artefaktam.
Fota: t.me/iinanb
Čytajcie taksama:
U Kreŭskim zamku znajšli padmurki zamkavaha mosta
Dziasiatki staražytnych dzid na dnie Dźviny. U Viciebsku prajšli pieršyja padvodnyja raskopki
Archieołahi raskryli mahutny padmurak zachodniaj ściany połackaj Safii
Na terytoryi byłoha klaštara biernardzinak u Breście znajšli maniety XVII stahodździa