U Połacku ŭnuk ciaham dzieviaci miesiacaŭ abkradaŭ dzieda, ściahnuŭ usiaho 200 tysiač rubloŭ
20‑hadovy chłopiec u haściach u dzieda pabačyŭ, dzie toj zachoŭvaje źbieražeńni. Praź niekalki dzion jon tajemna zabraŭ tysiaču dalaraŭ, piša BiełTA.
Patraciŭšy hrošy, małady čałaviek viarnuŭsia pa dabaŭku — 40 tysiač jeŭra. Na hetyja srodki jon źniaŭ pakoj u Viciebsku, zrabiŭ tam ramont, abnaviŭ meblu i techniku, kuplaŭ adzieńnie, pradukty, ałkahol, a taksama traciŭ hrošy na zabavy.
Jak tolki hrošy skančalisia, jon adpraŭlaŭsia da dzieda i braŭ z kapiłki stolki, kolki jamu było patrebna.
Paźniej małady čałaviek pierajechaŭ u Minsk, žyŭ na šyrokuju nahu — kuplaŭ dziaŭčatam darahija telefony i rabiŭ padarunki (bytavuju techniku) maci adnoj ź ich.
Kali 67‑hadovy paciarpieły vyjaviŭ źniknieńnie hrošaj (a vyśvietliłasia, što jon źbiraŭ ich na žyllo dla svaich dziaciej), to źviarnuŭsia ŭ milicyju. Padazravanaha ŭstanavili chutka. Svaju vinu ŭnuk nie admaŭlaŭ.
Da momantu zatrymańnia jon paśpieŭ patracić amal usiu najaŭnaść, skradzienuju za dzieviać miesiacaŭ, što ŭ ekvivalencie skłała 208 tysiač rubloŭ.
Zaviedziena kryminalnaja sprava.