U Bierastavicy navučencaŭ pasialili ŭ nieprydatnym dla žyćcia internacie
Navučency kaledža, u tym liku niepaŭnaletnija, amal miesiac žyli ŭ internacie, dzie praciahvaŭsia ramont. Prakuratura nazvała ŭmovy niebiaśpiečnymi i zapatrabavała likvidavać parušeńni, ale jak i kali heta zrobiać i dzie da taho času buduć žyć dzieci, nie paviedamlajecca.
Jak paviedamiła Hienprakuratura, navučencaŭ zasialili ŭ pakoi na piatym paviersie internata, dzie niepasredna padčas ich pražyvańnia vialisia ramontnyja raboty.
U pamiaškańniach byli značna paškodžanyja ścieny i padłoha, a taksama santechničnaje abstalavańnie.
Pavodle prakuratury, pakoi faktyčna byli nieprydatnyja dla pražyvańnia.
U takich umovach z 7 vieraśnia žyli 38 navučencaŭ kaledža, u tym liku niepaŭnaletnija. Prakuratura zajaviła, što dziejańni kiraŭnictva ŭstanovy adukacyi stvarali «pramuju pahrozu ich žyćciu i zdaroŭju».
Prakuratura zapatrabavała nieadkładna likvidavać parušeńni, zabiaśpiečyć dzieciam biaśpiečnyja ŭmovy i pryciahnuć vinavatych słužbovych asob da adkaznaści. Adnak ci pierasialili navučencaŭ, kali skončać ramont i jakim čynam im zabiaśpiečać narmalnaje žyllo, nie ŭdakładniajecca.