Premjer Brytanii dapuściŭ viartańnie krainy ŭ ES
Premjer-ministr Vialikabrytanii Endzi Biornem zajaviŭ, što ŭrad moža razhledzieć viartańnie krainy ŭ Jeŭrasajuz siarod varyjantaŭ pierahladu adnosin ź Jeŭropaj. Pra heta jon skazaŭ u intervju «Bi-bi-si».
Fota: AP Photo / Jon Super
Biornem pieraličyŭ čatyry mahčymyja šlachi: zachavać ciapierašnija adnosiny, stvaryć mytny sajuz ź ES, viarnucca na adziny jeŭrapiejski rynak abo adnavić paŭnapraŭnaje členstva. «My mahli b pajści da kanca», — skazaŭ premjer, kažučy pra apošni varyjant. Pavodle jaho słoŭ, urad pavinien acanić realizujemaść kožnaha scenaryja, jaho pieravahi i niedachopy.
Pry hetym Biornem nie abviaščaŭ pra rašeńnie viarnucca ŭ ES. Jon nahadaŭ, što chacieŭ by ŭbačyć heta pry svaim žyćci, ale ŭdakładniŭ, što havorka nieabaviazkova idzie pra bližejšy čas.
Refierendum ab členstvie Vialikabrytanii ŭ Jeŭrasajuzie prajšoŭ u červieni 2016 hoda. Za vychad ź ES prahałasavali 51,9% udzielnikaŭ, za zachavańnie členstva — 48,1%. Jaŭka skłała 72,2%.
Karaleŭstva aficyjna vyjšła ź Jeŭrasajuza 31 studzienia 2020 hoda. Historyja vychadu atrymała nazvu Brexit.