Leŭ Michiejeŭ budzie prasić prytułku ŭ Armienii

Biełaruski palituciakač Leŭ Michiejeŭ, jakoha na minułym tydni paśla zatrymańnia vysłali z Hruzii ŭ Armieniju, budzie prasić prytułku ŭ hetaj krainie. Pra heta vydańniu «Pozirk» paviedamiŭ pravaabaronca Raman Kiślak.

Leŭ Michiejeŭ. Fota Ramana Kiślaka

Pavodle słoŭ Ramana Kiślaka, Michiejevu ŭžo ŭdałosia znajści adnosna niedarahoje žyllo, i ciapier jon pastupova ŭładkoŭvaje svoj pobyt. Pry hetym ceny arendy ŭ Armienii apošnim časam prykmietna vyraśli praz pryjezd hramadzian Rasii, jakija aścierahajucca novaj chvali mabilizacyi dla vajny suprać Ukrainy.

U Armienii Michiejeva taksama zatrymali, pakolki jon znachodzicca ŭ bazie vyšuku SND pa zapycie Minska. Adnak nieŭzabavie jaho vyzvalili. Armienija nie vydaje inšaziemcaŭ, jakich na radzimie pieraśledujuć pa palityčnych matyvach.

Paśla 2020 hoda Hruzija stała adnoj z krain, kudy pierajazdžali biełarusy, jakija sutyknulisia ź pieraśledam abo aścierahalisia represij na radzimie. U krainie možna znachodzicca bieź vizy da 365 dzion zapar.

Adnak za ŭvieś hety čas hruzinskija ŭłady nie zadavolili nivodnaha chadajnictva biełarusaŭ ab nadańni prytułku. Michiejeŭ biespaśpiachova damahaŭsia jaho na praciahu piaci hadoŭ. Kančatkova jamu admovili 29 červienia 2026 hoda, vynikaje z paviedamleńnia Ministerstva ŭnutranych spraŭ Hruzii.

Armienija ž, u adroźnieńnie ad Hruzii, daje prytułak hramadzianam Biełarusi.

Kamientary da artykuła