Rubia zapatrabavaŭ ad iranskaj delehacyi nieadkładna pakinuć Ńju-Jork
Paśla taho jak pieramovy zajšli ŭ tupik.
Marka Rubia. Saul Loeb, Pool Photo via AP
Dziaržsakratar ZŠA Marka Rubia zapatrabavaŭ ad iranskaj delehacyi pakinuć krainu paśla taho, jak pieramovy zajšli ŭ tupik, piša Axios sa spasyłkaj na krynicu, znajomuju ź situacyjaj.
Siarod tych, ad kaho zapatrabavali pakinuć krainu, byŭ i ministr zamiežnych spraŭ Irana Abas Arahčy.
«Dziaržsakratar Rubia vysłaŭ iranskuju delehacyju, jakaja znachodziłasia tam zanadta doŭha. Hienieralnaja asambleja AAN skončyłasia, tamu im para było źjazdžać», — skazaŭ vydańniu nienazvany amierykanski čynoŭnik.
U materyjale adznačajecca, što ŭ Biełym domie mierkavali, što na praciahu paniadziełka pamiž bakami budzie dasiahnuty prahres u pieramovach, adnak da kanca dnia stała viadoma, što jany zajšli ŭ tupik.