Tramp raskazaŭ, čamu treba źniščyć Iran
Damahčysia miru va ŭsim śviecie možna tolki źniščyŭšy Iran. Pra heta prezident ZŠA zajaviŭ u intervju časopisu Time.
Donald Tramp. Fota: Nathan Howard / AP
Žurnalist nahadaŭ prezidentu ZŠA, što ŭ svajoj pramovie na Hienieralnaj asamblei AAN na minułym tydni jon pryhraziŭ źniščyć Iran. Ci možna tak kazać, kali vy nazyvajecie siabie prezidentam miru.
«Tamu što, źniščyŭšy Iran, my stvorym mir va ŭsim śviecie. Ja nie dumaju, što ź Iranam u vas kali-niebudź budzie mir. Za apošnija niekalki miesiacaŭ jany zabili 75 000 čałaviek. Pratestoŭcy, niavinnyja [nierazborliva], šmat vielmi dobrych ludziej. Jany zabili 70, dzieści ad 72 da 75 000 čałaviek. My ŭsio zadakumientavali. Na dniach jany źviarnulisia da [žurnalista] Breta Bajera i schłusili pra heta. Jany skazali, što ich było 3000. Bret Bajer skazaŭ: «Vy, napeŭna, žartujecie» Nie, jany zabili 75 000 čałaviek. Heta niejmavierna. Heta kryvavaja bojnia. Što ž, pahladzim. Bo ludzi bajacca być zabitymi. Vy viedajecie, jany vychodziać na vulicy i ŭ kančatkovym vyniku zabivajuć 1000 čałaviek, 2000, časam mienš. Jany vykarystoŭvajuć snajpieraŭ, kab patrapić im prosta ŭ hałavu, i kali — pamiatajecie, žančyny pajšli, u ich było 500 000 žančyn, a potym snajpiery pačali traplać im prosta ŭ hałavu? Žančyny pahladzieli i ŭbačyli heta, potym ubačyli jašče adnaho i kinulisia biehčy z usich noh», — raskazaŭ Tramp.
Supraćstajańnie ZŠA i Irana praciahvajecca ŭžo siem miesiacaŭ.