Tramp nazvaŭ umovu, pry jakoj jamu pahražaje impičmient
«Kali my nie pieramožam na pramiežkavych vybarach, jany ŭ vyniku abvieściać mnie impičmient», — zajaviŭ Tramp.
Donald Tramp. Fota: Andrew Harnik / Getty Images
Prezident ZŠA Donald Tramp zajaviŭ, što demakraty mohuć pačać praceduru impičmientu, kali Respublikanskaja partyja prajhraje pramiežkavyja vybary ŭ Kanhres u listapadzie, skazaŭ jon na sustrečy sa svaimi prychilnikami ŭ štacie Akłachoma, pieradaje AP News.
Tramp zaklikaŭ vybarščykaŭ padtrymać respublikancaŭ i zajaviŭ, što pry adsutnaści jaho proźvišča ŭ biuleteniach jaho prychilniki hałasujuć mienš aktyŭna. Pavodle słoŭ prezidenta, pieramoha respublikancaŭ nieabchodnaja, u pryvatnaści, dla taho, kab paźbiehnuć novaha impičmientu.
«Kali my nie pieramožam, jany ŭ vyniku abvieściać mnie impičmient», — zajaviŭ Tramp.
3 listapada ŭ ZŠA adbuducca pramiežkavyja vybary ŭ Kanhres. Amierykancy abiaruć uvieś skład Pałaty pradstaŭnikoŭ (435 miescaŭ) i tracinu Sienata ZŠA. Hałasavańnie projdzie ŭ siaredzinie prezidenckaha terminu Trampa i vyznačyć, ci zachavajuć respublikancy kantrol nad zakanadaŭčym orhanam krainy.