ZŠA nakirujuć na Bałtyku atrad marskich piechacincaŭ
Jany buduć bazavacca ŭ Finlandyi.
Fota: war.gov
Złučanyja Štaty nakirujuć u rehijon Bałtyjskaha mora śpiecyjalizavanuju hrupu marskich piechacincaŭ dla padtrymki misii NATA Baltic Sentry («Bałtyjski vartavy»). Pra heta havorycca ŭ paviedamleńni amierykanskaha vajennaha viedamstva.
Prykładna čatyry dziasiatki marskich piechacincaŭ, prypisanych da 2‑ha raźviedvalnaha bataljona 2‑j dyvizii marskoj piachoty, jakaja bazujecca ŭ Paŭnočnaj Karalinie, buduć dziejničać sumiesna ź Bierahavoj bryhadaj Finlandyi, havorycca ŭ paviedamleńni.
Metaj misii budzie nazirańnie i raźviedka z metaj «pavyšeńnia daśviedčanaści ab marskoj abstanoŭcy dla abarony krytyčna važnaj padvodnaj infrastruktury i padtrymki ahulnaj biaśpieki ŭ rehijonie».