Akcyi EPAM niečakana pajšli ŭ rost
Akcyi EPAM vyraśli na 7% da $115,89 na pieradrynačnych tarhach u čaćvier paśla šmathadovych minimumaŭ.
Rostu cikavaści pakupnikoŭ spryjała spałučeńnie niekalkich faktaraŭ: cisk z boku inviestaraŭ-aktyvistaŭ, palapšeńnie fundamientalnych pakazčykaŭ dziejnaści i histaryčna nizkaja acenka koštu kampanii, piša Dev.by.
Akcyi EPAM adnaŭlajucca paśla šmathadovych minimumaŭ: raniej na praciahu hoda jany padali da 52‑tydniovaha minimumu ŭ $73,06, a maksimum za hety pieryjad składaje $222,53.
Hałoŭnym drajvieram rostu stali mocnyja vyniki kankurenta EPAM — Accenture. Spravazdača kansałtynhavaj kampanii za čaćviorty kvartał pieraŭzyšła čakańni analitykaŭ pa vyručcy i prybytku, što padšturchnuła jaje kaciroŭki ŭvierch prykładna na 18%.
Dadatkovuju padtrymku akazaŭ ahulny pazityŭny fon na rynku: pierad adkryćciom tarhoŭ indeks S&P 500 dadaŭ 0,4%, a Nasdaq vyras na 0,6%, što stvaryła spryjalnyja ŭmovy dla adnaŭleńnia akcyj technałahičnaha siektara, jakija raniej istotna patańnieli.