Złamaŭsia lift na Bierlinskaj radyjoviežy. Ludzi zachraśli na ahladnaj placoŭcy na samym viersie — vyšyni 126 mietraŭ
Jany prabyli tam da hłybokaj nočy, i im navat dumali razdać parašuty.
Vyšynia Bierlinskaj radyjoviežy (na piarednim płanie) 146 mietraŭ. Vyšynia Bierlinskaj televiežy (na zadnim płanie) z ulikam daŭžeznaha špila 368 mietraŭ Fota: Getty Images
Učora ŭviečary na histaryčnaj Bierlinskaj radyjoviežy, jakoj sioleta spoŭniłasia sto hadoŭ, złamaŭsia lift. Naviersie byli ludzi: 15 čałaviek u restaranie i 6 — na ahladnaj placoŭcy na vyšyni 126 mietraŭ, piša Genau.
Z bolš nizka (55 mietraŭ) raźmieščanaha restarana ludziej spuścili ŭniz pa leśvicy (adnaho, z abmiežavańniem mabilnaści, navat na śpiecyjalnym evakuacyjnym kreśle).
A voś z ahladnaj placoŭkaj byli prablemy — dumali padahnać śpiecyjalny kran i ledź nie razdać ludziam parašuty.
Bližej da nočy, adnak, dvaim udałosia spuścicca pa pažarnaj leśvicy. A potym lift atrymałasia zapuścić, i jon z čarapašaj chutkaściu spuściŭ astatnich ludziej na ziamlu.