U Tulskaj vobłaści ŭzarvali mašynu rasijskaha vajskoŭca, jakoha Ukraina abvinavačvała ŭ katavańniach vajennapałonnych
Raniej Raman Syramiatnikaŭ pracavaŭ u sistemie vykanańnia pakarańniaŭ.
Fota: sacsietki
U Novamaskoŭsku Tulskaj vobłaści Rasii 2 kastryčnika padarvali aŭtamabil z udzielnikam vajny.
Pad mašynaj, jakaja ruchałasia, spracavała bomba, aŭtamabil jašče prajechaŭ pa iniercyi i ŭrezaŭsia ŭ słup. Kiroŭca atrymaŭ ciažkija traŭmy i zahinuŭ. Vybuchovaje prystasavańnie było zakładziena pad dnom, dzie miesca kiroŭcy, paviedamlaŭ telehram-kanał «VČK-OHPU».
Zahinułym akazaŭsia rasijski vajskoviec — 47‑hadovy Raman Syramiatnikaŭ. Jon vajavaŭ na terytoryi Ukrainy ŭ składzie parašutna-desantnaj roty 51‑ha pałka 106‑j dyvizii i byŭ abvieščany ŭ vyšuk Hienieralnaj prakuraturaj Ukrainy. U Novamaskoŭsku jon vykładaŭ u kaledžy, a raniej pracavaŭ u sistemie vykanańnia pakarańniaŭ.
Fota: sacsietki
Ukrainskaja prakuratura abvinavačvała jaho va ŭdziele ŭ katavańniach ukrainskich vajennapałonnych.