Biełaruś adpraviła partyju kaliju ŭ ZŠA
Jaho dastaviać 14 kastryčnika ŭ Novy Arlean.
Sudna z 30 tysiačami ton biełaruskaha kaliju adpraviłasia ŭ ZŠA praz Rasiju, paviedamlaje Financial Times. Čakajecca, što jaho razhruziać 14 kastryčnika ŭ porcie Novaha Arleana.
Cenavaje ahienctva Argus adznačaje, što 15 vieraśnia «Biełaruskaja kalijnaja kampanija» adhruziła 30 000 ton hranulavanaha chłarydu kaliju na sudna, zarehistravanaje na Maršałavych Astravach, u rasijskim porcie Bronka (Sankt-Pieciarburh).
Pry hetym ekśpierty adznačajuć składanaści z łahistykaj. Litva pa-raniejšamu admaŭlajecca prapuskać biełaruski kalij praz svoj port Kłajpieda. Tamu maršrut prachodzić praz Rasiju, što stvaraje dadatkovyja ciažkaści.
Hetaja partyja stała pieršaj, adpraŭlenaj Biełaruśsiu ŭ ZŠA za apošnija piać hadoŭ paśla ŭviadzieńnia sankcyj.