Piłot Flydubai chacieŭ raźbić samalot ab terminał aeraporta ŭ Tel-Avivie

Jon chacieŭ zabić abo abiasškodzić kapitana i kiravać samalotam u adzinočku

Chamam al-Chamami, skrynšot videa CNN

Padčas dopytu stała viadoma, što druhi piłot Chamam al-Chamami płanavaŭ dalacieć da Tel-Aviva i nakiravać łajnier u terminał aeraporta, kab učynić masavuju katastrofu. Pra heta paviedamiŭ 12‑y kanał izrailskaha telebačańnia.

Chamamu al-Chamami 29 hadoŭ, i jon źjaŭlajecca hramadzianinam Amana.

Jon pačaŭ supracoŭničać sa śledstvam i raspavioŭ, što źbiraŭsia raźbić samalot u Izraili. Mienavita tamu jon pajšoŭ na zachop u pavietry nad Iardanijaj, užo kala miažy.

Pavodle jaho słoŭ, jon chacieŭ zabić abo abiasškodzić kapitana i kiravać samalotam u adzinočku. Paśla zajści na pasadku «jak zvyčajna», a kali samalot užo niemahčyma budzie pierachapić, nakiravać jaho ŭ terminał aeraporta Ben-Huryjon.

Viadoma, što dla napadu na svajho kalehu jon vykarystaŭ avaryjnuju siakieru. Adnak dziejańni kamandzira i pasažyraŭ dapamahli jaho abiasškodzić i biaśpiečna pasadzić samalot.

Kamientary da artykuła