U Homielskaj vobłaści aryštavali hnoj
U vioscy Siarednija Piečy Lelčyckaha rajona z pačatku 2025 hoda sprabujuć pradać arhaničnyja ŭhnajeńni, aryštavanyja ŭ «Lelčyckaha ahrasiervisu». Spačatku ŭ dakumientach značylisia 3800 ton hnoju, ciapier — 3039,14 tony, zaŭvažyŭ kanał «Vitiebsk, ja hulaju!»
U 2025 hodzie łot vystaŭlali na aŭkcyjon piać razoŭ, ale pakupnika nie znajšłosia. Pieršapačatkova za 3800 ton prasili kala 21,3 tysiačy rubloŭ, a da śniežnia startavuju canu źnizili da 4,3 tysiačy rubloŭ.
Praź dziesiać miesiacaŭ paśla apošniaj sproby prodažu źjaviłasia novaja abjava. Ciapier adnym łotam pradajuć užo 3039,14 tony — na 760,86 tony mienš. Pry hetym startavaja cana vyrasła da 17 019 rubloŭ.