Zaviaršylisia zbory pryzvanych u vojska niadbajnych rabotnikaŭ APK
Ministr abarony Viktar Chrenin uznaharodziŭ udzielnikaŭ. Ich zabrali na zbory pa rasparadžeńni Łukašenki.
Fota: Minabarony
Na praciahu dvuch miesiacaŭ bolš za 170 vajennaabaviazanych na bazie 103‑j Viciebskaj asobnaj hvardziejskaj pavietrana-desantnaj bryhady prajšli intensiŭny kurs bajavoj padrychtoŭki: zdali praktyčnyja ekzamieny pa ahniavoj, taktyčnaj, inžyniernaj i miedycynskaj padrychtoŭcy, paviedamlaje Minabarony.
Taksama ŭdzielniki zboru vykonvali zadačy pa prykryćci paŭdniovych rubiažoŭ, u tym liku pa fartyfikacyjnym abstalavańni miascovaści i patrulavańni.
«Asabliva kaštoŭna toje, što vy pracavali jak adzinaja kamanda. U vajennaj spravie mnohaje zaležyć ad zładžanaści dziejańniaŭ, dakładnaha vykanańnia zahadaŭ i davieru adzin da adnaho. Hetyja jakaści vy ŭ poŭnaj miery prajavili padčas vykanańnia zadač», — raskazaŭ siońnia ministr i uznaharodziŭ udzielnikaŭ zboraŭ.