Dzie pahladzieć futbolny matč Biełaruś — Finlandyja?
Siońnia nacyjanalnaja zbornaja Biełarusi praviadzie ŭ Budapiešcie matč 4‑ha tura Lihi nacyj suprać zbornaj Finlandyi.
Zbornaja Biełarusi, fota Biełaruskaja fiederacyja futbołu
Pramaja tranślacyja zapłanavanaja na telekanale «Sport TB».
Taksama tranślacyja budzie dastupnaja na YouTube-kanale Biełaruskaj fiederacyi futbołu.
Pačatak hulni a 21:45.
Zbornaja Biełarusi praviała ŭ siońniašnim rozyhryšy Lihi nacyj try matčy: prajhrała Ałbanii (0:2), zhulała ŭ Chielsinki ź Finlandyjaj (0:0) i razhramiła San-Maryna (4:0).
Paśla troch turaŭ: Finlandyja — 7, Ałbanija — 6, Biełaruś — 4, San-Maryna — 0.
Zbornaja, što zojmie pieršaje miesca ŭ hrupie, aŭtamatyčna vyjdzie ŭ dyvizijon B. Zbornaja, jakaja finišuje druhoj, budzie hulać stykavy matč z kamandaj, što zojmie apošniaje miesca ŭ adnoj z hrupaj dyvizijona B (na siońnia čaćviortyja miescy ŭ svaich hrupach zajmajuć Paŭnočnaja Makiedonija, Hruzija, Izrail, Rumynija).
U listapadzie Biełaruś praviadzie dva apošnija matčy ŭ Lizie nacyj: z Ałbanijaj i San-Maryna.