U Hiermanii ŭ kramie ŭ biełarusa vypali hrošy. A jak staŭ padymać, z sumki pasypalisia skradzienyja šakaładki
U tym ža dyskaŭntary palavaŭ na sałodkaje i złodziej z Rumynii.
fota: Germanfoods.org
U niamieckim Bad-Frajienvaldzie (ziamla Brandenburh, Hiermanija) u kramie-dyskaŭntary zatrymali 43‑hadovaha biełarusa. Jon sprabavaŭ vynieści poŭnuju torbu šakaładu. Pra heta paviedamiła palicyja Brandenburha.
Zdareńnie adbyłosia 5 kastryčnika ŭ abied. Pavodle palicyi, mužčyna vypuściŭ hrošy i pačaŭ ich źbirać. Supracoŭniki kramy ŭ hety momant zazirnuli ŭ jahonuju torbu i ŭbačyli, što jana napoŭnienaja da krajoŭ šakaładam, za jaki jon nie zapłaciŭ.
Admietna, što ŭ toj ža dzień u toj ža kramie achoŭnik złaviŭ na kradziažy šakaładu jašče adnaho mužčynu, 37‑hadovaha hramadzianina Rumynii. Jon byŭ bolš paśpiachovym za biełarusa, tamu paśpieŭ vynieści poŭny zaplečnik sałodkaha. Ale ŭrešcie znajšli i jaho.