Špijonski tryler pra Ramana Pratasieviča zabaranili ŭ Biełarusi

Mininfarmacyi abnaviła śpis drukavanych vydańniaŭ, raspaŭsiud jakich zdolny nanieści škodu nacyjanalnym intaresam Respubliki Biełaruś. To-bok jany zabaronienyja ŭ krainie.

Uzum Market

Siarod ich špijonski raman francuzskaha piśmieńnika Marka Levi «Noa». Raniej jon užo byŭ uniesieny ŭ śpis «ekstremisckich materyjałaŭ».

Dziejańnie ramana razhortvajecca ŭ 2021 hodzie. Hodam raniej chatniaja haspadynia Śviatłana (proźvišča nie nazyvajecca) pieramahaje na prezidenckich vybarach dyktatara Łučyna. Śpiecsłužby vyvoziać Śviatłanu ź dziećmi za miažu, a jaje muža Mikałaja adpraŭlajuć u turmu.

U Minsku hinie hramadskaja aktyvistka i ŭdzielnica supracivu Darja, jakaja rasśledavała karupcyju siarod vyšejšaha kiraŭnictva krainy. Taksama ŭłady prymušajuć sieści ŭ Minsku rejs Afiny — Vilnia z Ramanam Pratasievičam i Safijaj Sapiehaj na borcie.

U Minsk prylataje izrailskaja žurnalistka Dženis, jakaja naležyć da hrupoŭki chakieraŭ «Dzieviać». Jana siabroŭka Maryi i pavinna znajści Pratasieviča, jakoha ŭtrymlivajuć na Akreścina.

«Naša Niva» padrabiazna pisała pra raman tut

Raman Pratasievič staŭ hierojem francuzskaha špijonskaha ramana

Akramia taho, u śpis dadali jašče 12 tvoraŭ:

• «Złačynstvy ŭ malunkach dla dziaciej. Chto vinavaty?» — Madesta Harsija;
• «Złačynstvy ŭ malunkach: Zabojstva abo samahubstva?» — Madesta Harsija;
• «Prytułak śmierci» — Maral Atmadža;
• «Nienadziejnaja kroŭ» — Maryja Sałaŭjova;
• «Iluzija padzieńnia» — Lija Astrum;
• «Arachnid» — I. V. Afielija;
• «Kanhruent» — Vieranika Desmand;
• «Tyja niamnohija, što niasuć śmierć» — Aleksis Patan;
• «Tyja niamnohija, što niasuć ciemru» — Aleksis Patan;
• «Daražeńkaja» — Si Džej Sḱjuz;
• «Pakoj» — Chjubiert Sełbi-małodšy;
• «Śpis cieniaŭ» — Džejd Preśli.

Kamientary da artykuła