Uletku la aŭtavakzała «Centralny» pamior mužčyna. Ekśpierty vyśvietlili pryčynu
Dakumientaŭ pry im nie było.
U červieni na liniju «103» pastupiła paviedamleńnie, što na prypynku kala aŭtavakzała «Centralny» ŭ Minsku nieviadomamu mužčynu patrabujecca miedycynskaja dapamoha.
Miedycynskija rabotniki, što prybyli na miesca zdareńnia, dastavili mužčynu ŭ balnicu dla reanimacyi. Ale plonu nie dało, mužčyna pamior.
Pakolki pry im nie było asabistych rečaŭ i dakumientaŭ, jakija śviedčyli b asobu, milicyjaniery zaprasili sudovaha ekśpierta adździeła Dziaržkamiteta sudovych ekśpiertyz, jaki pravioŭ daktyłaskapiju.
U vyniku pravierki było ŭstanoŭlena supadzieńnie z danymi 43‑hadovaha ŭradženca Homielskaj vobłaści.
Vyśvietliłasia, što śmierć mužčyny nastupiła ad kardyjamijapatyi — zachvorvańnia serca, źviazanaha z parušeńniem siłkavańnia sardečnaj myšcy, jakoje ŭskładniłasia vostraj sardečna-sasudzistaj niedastatkovaściu.