U Drazdach kupili katedž za 1,1 miljona dalaraŭ
U byłoj vioscy Viaśninka (u Drazdach-2) u vieraśni kupili dom za 1,1 miljona dalaraŭ. Katedž akazaŭsia samym darahim domam Minska siarod pradadzienych u minułym miesiacy, piša Realt.by.
Što tyčycca samaha darahoha doma ŭ horadzie, to pa vynikach vieraśnia im staŭ błočny katedž 2020 hoda płoščaj 291 kvadratny mietr. Jaho pradali za 1,1 miljona dalaraŭ, heta značyć kvadratny mietr acanili ŭ 3776 dalaraŭ.
Ciapier u hetym kutku Minska pradajucca jašče čatyry damy koštam ad 193 tysiač da 6,5 miljona dalaraŭ.
U lik samych darahich u stalicy ŭ vieraśni taksama trapili katedžy ŭ Zacieni — na vulicach Pryvietlivaj i Jermaka. Damy byli pradadzienyja za 447 i 350 tysiač dalaraŭ adpaviedna.