Litva pryciahnuła armiju da achovy miažy z Kalininhradskaj vobłaściu
Rašeńnie pryniali paśla incydentu na łatvijska-biełaruskaj miažy, kali ŭzbrojenyja ludzi ŭ maskach siłkom hnali mihrantaŭ ź Biełarusi ŭ Łatviju, i na fonie sihnałaŭ pra mahčymuju mabilizacyju ŭ Rasii.
Ilustracyjny zdymak. Fota: Omar Marques / Anadolu Agency via Getty Images
Pra pryciahnieńnie armii paviedamiŭ ministr unutranych spraŭ Litvy Marcinas Kacielinas, piša LRT. Pavodle jaho, ludzi, jakija nie zachočuć trapić pad mahčymuju mabilizacyju ŭ Rasii, mohuć sprabavać niezakonna pierasiekčy miažu.
Padstavaj dla ŭzmacnieńnia achovy staŭ taksama incydent na miažy Łatvii ź Biełaruśsiu. Pavodle Nacyjanalnych uzbrojenych sił Łatvii, hrupa z prynamsi 20 mihrantaŭ sprabavała niezakonna pierasiekčy miažu. Ich supravadžali ŭzbrojenyja ludzi ŭ maskach.
Jany pahražali łatvijskim vajskoŭcam, zaklikali mihrantaŭ ruchacca ŭ bok Łatvii i padšturchoŭvali ich da miažy.
Praź niekalki hadzin ludzi ŭ maskach pranikli na łatvijskuju terytoryju. Jany paškodzili elektraraźmierkavalny ščyt i skrali kamiery videanazirańnia. Da prybyćcia pamiežnaha narada parušalniki viarnulisia ŭ Biełaruś.
Kacielinas nazvaŭ pryciahnieńnie vajskoŭcaŭ previentyŭnaj mieraj, jakaja pavinna dapamahčy praduchilić padobnyja zdareńni.