Amapaŭcy demanstratyŭna žorstka zatrymali 60‑hadovaha mieniedžara za chabar
U Hrodnie amapaŭcy pavalili 60‑hadovaha mužčynu na asfalt i prycisnuli kalenam. Supracivu na videa niama.
MUS pakazała videa, jak AMAP zatrymlivaŭ namieśnika dyrektara filijała pradpryjemstva ŭ Hrodzienskaj vobłaści.
Na kadrach dvoje siłavikoŭ u šlemach i taktyčnym ryštunku pryciskajuć mužčynu tvaram da asfaltu. Jamu zavodziać ruki za śpinu i nadziavajuć kajdanki. Nijakaha supracivu mužčyna nie akazvaje.
Pry hetym siłavik pryciskaje šyju zatrymanaha da asfaltu rukoj, a paźniej stanovicca kalenam na śpinu.
MUS paviedamiła pra zatrymańnie 8 kastryčnika. Pavodle viedamstva, 60‑hadovaha mužčynu zatrymali «pry siłavoj padtrymcy bajcoŭ AMAPa ŭ momant atrymańnia čarhovaha tranšu».
Jaho padazrajuć u rehularnym atrymańni chabaru ad pradstaŭnika kamiercyjnaj struktury za łabiravańnie padradčyka dla ramontnych rabot. Pavodle MUS, z pačatku 2024 hoda jon atrymaŭ bolš za 70 tysiač rubloŭ.
MUS pierastaŭ publikavać svoj hvałt pry palityčnych zatrymańniach, ale, jak bačna, sama praktyka nikudy nie dziełasia.