Łukašenka nazvaŭ niedalnabačnym rašeńnie kiraŭnictva Małdovy vyjści z SND
Jon zaklikaŭ kiraŭnictva Małdovy zachavać dla prostych hramadzian hetaj krainy mahčymaść nie razryvać kanały ŭzajemadziejańnia chacia b na pieršapačatkovym etapie.
Fota: Vyacheslav Prokofyev, Sputnik, Kremlin Pool Photo via AP
Łukašenka nazvaŭ niedalnabačnym rašeńnie kiraŭnictva Małdovy vyjści z SND.
«Heta, viadoma ž, nie vybar prostych małdavan, a rašeńnie kiraŭnictva. Liču jaho niedalnabačnym. Pryčym jano samo heta razumieje i sprabuje zachavać udzieł u Damovie ab zonie svabodnaha handlu»,— zajaviŭ jon na samicie SND u Ašhabacie, piša BiełTA.
Jon zaklikaŭ kiraŭnictva Małdovy zachavać dla prostych hramadzian hetaj krainy mahčymaść nie razryvać kanały ŭzajemadziejańnia chacia b na pieršapačatkovym etapie.
«Praściej kažučy, navošta hublać toje, što majem», — adznačyŭ jon.
«Historyja zaŭsiody paŭtarajecca. U nas užo jość dośvied vychadu Hruzii z SND. Ale siońnia my bačym, jak źmianiajecca situacyja. Vidavočna, što viartacca da narmalnych adnosin lahčej pa nakatanaj kalainie miechanizmaŭ Sadružnaści. Dy i zapuskać bolš surjoznyja farmaty pahłybleńnia supracoŭnictva praściej, kali maješ bazis našaj Sadružnaści», — upeŭnieny Łukašenka.