Nobieleŭskaja premija miru prysudžana jurystcy z PAR, byłoj advakatcy palitviaźnia Nelsana Mandeły
Siońnia Nobieleŭski kamitet nazvaŭ imia ŭładalnika Nobieleŭskaj premii miru. Jana prysudžana ź jurystcy z Paŭdniova-Afrykanskaj Respubliki Navi Piłej.
Fota: Eranga Jayawardena / AP
Premiju prysudzili za «jaje namahańni pa ŭmacavańni miru i mižnarodnaha prava».
Navi Piłej naradziłasia ŭ 1941 hodzie. Pavodle nacyjanalnaści — indyjka (tamiłka) paŭdniovaafrykanskaha pachodžańnia.
U 1967 hodzie jana stała pieršaj žančynaj «niabiełaha» pachodžańnia, jakaja adkryła ŭłasnuju jurydyčnuju praktyku ŭ pravincyi Natal. Jana abaraniała zmaharoŭ suprać aparteidu, u tym liku Nelsana Mandełu, i vykryvała vykarystańnie ŭładami katavańniaŭ i represij.
Navi Piłej stała pieršaj žančynaj «niabiełaha» pachodžańnia ŭ Viarchoŭnym sudzie PAR, pracavała sudździoj Mižnarodnaha kryminalnaha suda i była prezidentam Mižnarodnaha trybunała pa Ruandzie. U 2008‑2014 hadach była viarchoŭnym kamisaram AAN pa pravach čałavieka.
U 2025 hodzie Piłej uznačalvała kamisiju AAN, jakaja zajaviła, što Izrail ździejśniŭ hienacyd suprać paleścincaŭ u siektary Haza.
Učora Nobiela pa litaratury prysudzili kanadskaj paetcy En Karsan.
U paniadziełak nazavuć apošniaha ŭładalnika nobieleŭskich premij: budzie nazvana imia łaŭreata pa ekanomicy.
Uručeńnie nobieleŭskich premij prachodzić u śniežni. Usie premii, aproč Nobiela miru, uručajucca ŭ Stakholmie. Uładalnika nobieleŭskaj premii miru hanarujuć u Osła.