U Vilni na nastupnym tydni projdzie druhaja častka litaraturnaha fiestyvalu «Pradmova»
16—18 kastryčnika Vilnia stanie druhim horadam, jaki prymie ŭ siabie fiestyval intelektualnaj knihi «Pradmova» (pieršym sioleta byŭ Urocłaŭ).
Asnoŭnyja imprezy fiestyvalu projduć u Tautinių bendrijų namai (Dom nacyjanalnych supolnaściej) pa adrasie Raugyklos g. 25. Dziciačyja imprezy adbuducca na bazie prajekta «Biełaruskaja škołka ŭ Vilni» (Biełaruski muziej imia Ivana Łuckieviča, Vilniaus, 20), paviedamlaje bellit.info.
16 kastryčnika, piatnica
Tautinių bendrijų namai (Dom nacyjanalnych supolnaściej), Raugyklos g. 25.
18.00—18.15 — Uračystaje adkryćcio fiestyvalu.
18.15—19.00 — Dyskusija z nahody vydańnia knihi «Treski latuć. Dzieci śpiecpasialencaŭ: Biełaruś—Kotłas—Biełaruś» (Vilnia, 2026). Udzielničajuć: Iryna Ramanava, Cichan Čarniakievič.
19.00—20.00 — Dyskusija «Jak być Jeŭropaj?»
Biełaruś — taksama Jeŭropa, jejny centr znachodzicca pad Połackam. Ale ŭ ES biełarusy ŭsio jašče pačuvajucca nie zusim svaimi. Na suviaź my idziem nieachvotna: adčapiciesia ad nas, my tut svajo pacierpim. Mižnarodnyja prajekty — redkaje vyklučeńnie, pierakłady — tolki pa śviatach. Jak być Jeŭropaj? Jak kazać tak, kab ciabie čuli inšyja? Jak iści na kantakt z uładalnikami cikavych pašpartoŭ krain Jeŭraźviazu? Dy i ci cikavyja my im?
Udzielniki: Alena Hłuchava, Dźmitryj Strocaŭ, maderatar Siarhiej Šupa.
17 kastryčnika, subota
Tautinių bendrijų namai (Dom nacyjanalnych supolnaściej), Raugyklos g. 25.
10.30—11.10 — Viačka Krasulin. Afłajn-trepanacyja tvorčaj asoby paeta.
Razmova pra paeziju, tvorčy praces, unutranuju svabodu i toje, jak naradžajecca vierš. Biez zahadzia padrychtavanych adkazaŭ — tolki ščyraja hutarka pra litaraturu, žyćcio, sumnievy, natchnieńnie i ŭsio, što adbyvajecca «pad čarapnoj karobkaj» paeta.
11.10—11.55 — Prezientacyja publikacyi Pracoŭni daśledavańniaŭ Teatra i Dramaturhii Kafiedry biełarusistyki z nahody 10‑hodździa Pracoŭni i 70‑hodździa Kafiedry biełarusistyki Varšaŭskaha univiersiteta. Udzielnik: Andrej Maskvin.
11.55—12.35 — Aŭtarskaja sustreča z Siarhiejem Kalendam. Prezientacyja novaj knihi «Pan Proza».
12.35—13.35 — Publičnaja prezientacyja daśledavańnia «Historyja roźničnaha handlu ŭ Biełarusi: U 3 t. T. 3. Roźničny handal u savieckim i postsavieckim hramadstvach Biełarusi. Ad 1921 hoda da kanca XX stahodździa» (Vydaviectva VESNA, Praha, 2026). Udzielničajuć: Iryna Ramanava, Iryna Machoŭskaja. Maderatar Siarhiej Šupa.
13.35—14.15 — Prezientacyja knihi pierakładaŭ litoŭskaha paeta Vitaŭtasa Mačernisa «Ja karala ŭ tabie paznaŭ». Udzielničajuć: pierakładčyca Vanda Marcinš duš Rejš, redaktary Ałma Łapinskienie, Siaržuk Haŭrylenka.
14.15—15.15 — Lekcyja-dyjałoh Andreja Ezieryna «Hravitacyja čužoj Baćkaŭščyny».
15.15—16.00 — Dyskusija «Styl Šahał: mietaforyka, paezija i padvarotni»
Paetyka Marka Šahała vyrasła ź viciebskich dvaroŭ i padvarotniaŭ, z pobytu biełaruskich habrejaŭ. Praz aŭtarekanstrukcyju i pieraźbirańnie vobrazaŭ hety paŭsiadzionny śviet uvasobiŭsia ŭ pakručastaj mietaforycy. Čaroŭny śviet niaspraŭnaha junactva: tut karovy nie tolki lotajuć. Udzielniki: Siarhiej Šupa, Cimur Kudzielič.
16.00—16.45 — Novaje vymiareńnie biełaruskaści. Prezientacyja pierakładu ramana Aleny Hłuchavaj.
Biellit pišuć užo navat pa-francuzsku. Ajčynny čytač patrabuje pierakładčyka, inačaj nie pračytać. Nacyja za miažoj — ciapier heta naš šlach? Adzin z, dakładna. Na prezientacyi pierakładu ramana Aleny Hłuchavaj «Našyja zichotkija cieły» aŭtarka raskaža pra knihu, jeŭrapiejskuju litaraturu i toje, jak i navošta joj pisać pa-francuzsku.
16.45—17.30 — «Advakackija historyi» — razmova pra prava i biezzakońnie praz asabistyja historyi ludziej, jakija praciahvali abaraniać inšych.
Z udziełam advakataŭ: Dźmitryja Lepretara, Natalli Mackievič, Taćciany Lišankovaj. Maderatarka: Adarja Huštyn.
17.30—18.15 — Dyskusija «Pierakładajučy Sartra: «Ekzystencyjalizm — heta humanizm» u biełaruskim kantekście». Udzielničajuć: pierakładčyk Uładzisłaŭ Harbacki, daśledčyca Taćciana Astroŭskaja, vydaviec Ihar Ivanoŭ.
18.15—19.15 — Panelnaja dyskusija «Inkamunikada. Čałaviek, jakoha niama». Udzielniki: Natalla Mackievič, Maksim Znak. Maderatary: Pavieł Lahčyłaŭ, Taćciana Niadbaj.
19.15—20.00 — Prezientacyja novaj knihi Juhasi Kalady «Vandroŭka liftam». Udzielničajuć: Juhasia Kalada, Alina Dzieravianka, vydaviectva «Pflaŭmbaŭm».
20.00—20.45 — «Rok-n-roł kanca 80-ch — pačatku 90-ch: što słuchali i što hrali padletki na Paleśsi». Udzielničajuć: Uładzisłaŭ Navažyłaŭ (Lesley Knife), Alaksiej Dzikavicki.Maderatar Jarasłaŭ Ivaniuk.
Dziciačaja placoŭka, Biełaruskaja škołka ŭ Vilni (Vilniaus, 20)
Kuratarka — Kaciaryna Žamojdzina.
10.00—11.00 — Taćciana Bahdanava. Prezientacyja knihi «Nie na svaim miescy» pra adaptacyju ŭ emihracyi (uzrost 3—5 hadoŭ).
11.00—12.00 — Śmiešnyja knižki: u čym sakret? Prezientacyja knihi Tyma Parveła «Pate hulaje ŭ futboł», sieryi «Eła i siabry». Maderatar Andrej Skurko (uzrost 6—10 hadoŭ).
12.00—13.00 — Jak minułaje stanovicca našym? Hutarka z aŭtarkaj knihi «Sibirskija chajku» Jurhaj Vile pra toje, jak havaryć z padletkami pra minułaje, kab im chaciełasia słuchać i čytać samim. Maderatarka — Kaciaryna Žamojdzina (uzrost 10+).
12.00—13.00 — Prezientacyja dziciačaj bilinhvalnaj knižki dziciačych hulniaŭ «Cha-Chej-Cho!», stvoranaj vučniami Stembridge School. Udzielničajuć: Illa Jasinski, aktor, piedahoh zaniatkaŭ «Teatr», Natalla Sialeckaja, nastaŭnica pačatkovaj škoły, Anton Maziejka, kiraŭnik Stembridge Books i aŭtar idei knihi, vučni — aŭtary knihi (na ŭzrost 5+).
13.00—14.00 — Knižny most: irłandskija knižki pa-biełarusku. Prezientacyja prajekta pa vydańni irłandskich dziciačych knih, realizavanaha pry padtrymcy Ambasady Irłandyi ŭ Vilni.
Udzielniki: Ambasadarka Irłandyi ŭ Litvie Sedna MakChju; pradstaŭnik pa nacyjanalnym adradžeńni APK Pavieł Barkoŭski; pradstaŭniki vydaviectva Gutenberg; pierakładčyk Andrej Skurko; pradstaŭnica Instytuta biełaruskaj knihi Alaksandra Dvareckaja; pradstaŭniki Asacyjacyi biełaruskich baćkoŭ Kaciaryna Žamojdzina i Vadzimir Zarankin.
14.00—15.00 — Sustreča z aŭtarkaj knihi «Tabita Plimtak i Kraj Śvietu» Erykaj Makhan i pierakładčykam Andrejem Skurko (uzrost 8+).
15.00—16.00 — Maryja Navasielskaja. Prezentacyja knihi «Tvoj Anioł» ź sieryi «Na parozie».
Aŭtarka raskaža pra historyju naradžeńnia knihi i novaj seryi «Na parozie», pračytaje ŭryŭki z kazak, a taksama pahutaryć z čytačami pra sensy, jakija adkryvajucca praź litaraturu dla dziaciej i darosłych. Sustreču dapoŭniać čytańnie tekstaŭ, ilustracyi, muzyčnaja atmaśfiera i aŭtohraf-sesija.
18 kastryčnika, niadziela
Tautinių bendrijų namai (Dom nacyjanalnych supolnaściej), Raugyklos g. 25.
10.00—11.45 — Ad svajoj aŭdytoryi da mižnarodnaha čytača: jak biełaruskaj knizie vychodzić za miežy supolnaści?
Padčas sustrečy płanujecca abmierkavać šerah pytańniaŭ: jak zamiežny vydaviec ci fiestyval znachodzić knihi; jakija materyjały patrebnyja dla pradstaŭleńnia knihi; jak pracujuć aŭtarskija pravy i pierakłady; jak šukać mižnarodnych partnioraŭ; jakuju rolu adyhryvajuć knižnyja kirmašy, najpierš Frankfurcki, fiestyvali, IBBY i prafiesijnyja sietki (asacyjacyi vydaŭcoŭ, tvorčyja sajuzy); čamu asobnaja kniha moža być cikavaja zamiežnamu čytaču.
Arhanizatar: Instytut Hiote-Hruzija ŭ miežach prajekta EU4Culture.
12.00—12.45 — Dyskusija «Navuka dastupnaja dla ŭsich» z elemientami hulni. Prezientacyja časopisa Pamyłka. Udzielničajuć: Darja Maniuk, V. Korsak, Sim, Darja Roskač.
12.45—13.45 — Prezientacyja biełaruskaha pierakładu knihi Bion-Čchol Chana «Duch nadziei».
Jak žyć, a nie vyžyvać u čas vyprabavańniaŭ: razmova pra nadzieju i budučyniu. Udzielničajuć: biełaruski pravasłaŭny śviatar i hramadski dziejač Alaksandr Kuchta, psichołah i kahnityŭna-pavodnickaja terapieŭtka Kaciaryna Karpovič, pierakładčyca knihi Alaksandra Łohvinava.
13.45—14.30 — Hutarka «Ślaza i kamień. Vieršy prybityja ćvikami da staronak žyćcia». Maderuje vydaviec Dźmitryj Strocaŭ.
14.30—15.15 — Dyskusija «Čužaja Baćkaŭščyna: ci patrebny emihracyi biełaruski teatr?». Na prykładzie knihi Nastaśsi Pankratavaj «(Nie) vykraśleny: Biełaruski teatr 2015—2025. Vybranyja staronki». Udzielničajuć vydaviec Ihar Ivanoŭ (Skaryna Press) i aŭtarka knihi, teatralny krytyk Nastaśsia Pankratava.
15.15—16.00 — «Biełaruś u kryvym lusterku: vieršy poźniaha łukašyzmu».
Prezientacyja knihi Źmitra Dziadzienki «Kab nie sr@li hałuby» projdzie ŭ farmacie razmovy i aŭtarskaha vystupu pad hitaru. Udzielničajuć Źmicier Dziadzienka, vydaviec Jarasłaŭ Ivaniuk.
16.00—16.45 — Dyskusija «Čym važny dla biełarusaŭ «451 hradus pavodle Farenhiejta»? Udzielniki: Nasta Karnackaja, Andrej Januškievič.
16.45—17.30 — Hutarka pra knihu Maksima «Dali» Kryŭcova «Kryk na terykonie». Udzielničajuć: vydaviec Dźmitryj Strocaŭ, pierakładčyca Volha Franko (anłajn).
17.30—18.15 — Lekcyja «Narodnaje śvietamyśleńnie ŭ sučasnym śviecie» i prezientacyja piaciknižža «Tradycyjny śvietaład biełarusaŭ».
18.15—19.15 — Razmova pra knihu Siarhieja Dubaŭca «Zbor tvorcaŭ». Udzielničajuć: Siarhiej Dubaviec, Siarhiej Chareŭski. Maderatar Siarhiej Šupa.
19.15—20.15 — Dyskusija «Postkatastrafičnaje piśmo: tupik ci pierśpiektyva?»
Litaratura nie skančajecca i paśla katastrofy, choć i zdajecca, što pisać užo nie vypadaje. Moža, heta šaniec viarnucca sa śvietu ŭjaŭnych kanceptaŭ i zahavaryć naprastki? Adkidajem kałychanki — ciapier pišam surjozna? A što, «jak raniej» dakładna nie atrymajecca? Udzielniki: Maksim Žbankoŭ, Jula Arciomava.
Ciaham fiestyvalu ŭ Tautinių bendrijų namai (Dom nacyjanalnych supolnaściej) pa adrasie Raugyklos g. 25 budzie pracavać knižny kirmaš. Možna budzie nabyć knihiy vydaviectvaŭ Gutenberg, RozUm Media, Kamunikat, «Mianie Niama», «Połackija łabirynty», «Pflaŭmbaŭm», «Łohvinaŭ», Vesna, hochroth Minsk, «Januškievič», Skaryna Press, Stembridge.
Uvachod na ŭsie imprezy fiestyvalu volny.