Ukraincy ŭdaryli na naftavym terminale ŭ Rastoŭskaj vobłaści

Unočy 10 kastryčnika ŭkrainskija bieśpiłotniki atakavali Rastoŭskuju vobłaść. Cellu ataki staŭ naftavy terminał Novašachcinskaha zavoda naftapraduktaŭ. 

Vidavočcy paviedamlajuć pra maštabnaje ŭzharańnie i vybuchi.

Prajektnaja mahutnaść terminała, jaki raniej nazyvaŭsia «Poŭdzień Rusi», składaje kala 2,5 miljona ton naftapraduktaŭ na hod. Jon vykarystoŭvajecca dla pieravałki paliva na ekspart, dla zabieśpiačeńnia palivam rasijskich uzbrojenych sił, jakija praciahvajuć vajnu suprać Ukrainy.

Hubiernatar Rastoŭskaj vobłaści Juryj Ślusar paćvierdziŭ ataku bolš jak 50 bieśpiłotnikaŭ i ŭzharańnie ŭ abłasnym centry. Pavodle jaho paviedamleńnia ŭ telehramie, paciarpieŭ adzin čałaviek, u niekalkich rajonach paškodžanyja šmatkvaternyja damy, a žycharoŭ niekatorych budynkaŭ evakujavali.

Akramia taho, praz paškodžańnie čyhunačnaha mosta byŭ spynieny ruch ciahnikoŭ.

Kamientary da artykuła