Krystu Pajk, jakuju niaŭdała sprabavali pakarać śmierciu, vypisali z balnicy i viarnuli ŭ turmu
U ZŠA Krystu Pajk, asudžanuju da śmiarotnaha pakarańnia, vypisali z balnicy paśla niaŭdałaj sproby vykanać prysud u kancy vieraśnia. Pra heta paviedamili jaje advakaty, piša Bi-bi-si.
Krysta Pajk, skrynšot archiŭnaha videa
50‑hadovuju žančynu viarnuli ŭ turmu, dzie jana praviała apošnija 30 hadoŭ. Tam jana praciahvaje atrymlivać nieabchodnuju miedycynskuju dapamohu.
30 vieraśnia Pajk vyžyła paśla dźviuch injekcyj śmiarotnaj dozy pientabrabitału. Paśla hetaha jaje ŭ ciažkim stanie špitalizavali. Raniej na hetym tydni žančyna aprytomnieła i pačała razmaŭlać, čym ździviła miedykaŭ, ekśpiertaŭ i svaich advakataŭ. Pavodle abaroncaŭ, pieršymi jaje słovami byli: «Dzie ja?» i «Chto vy?»
U zajavie advakataŭ havorycca, što Pajk udziačnaja supracoŭnikam ekstrannych słužbaŭ i miedycynskaj bryhadzie za dapamohu ŭ hetych nadzvyčajnych abstavinach.
Hety vypadak nazyvajuć biesprecedentnym: ličycca, što Pajk stała adzinym čałaviekam, jaki vyžyŭ paśla sproby pakarańnia śmierciu šlacham uviadzieńnia śmiarotnaj injekcyi.
Na sudovym pasiadžeńni ŭ sieradu pamočnik hienieralnaha prakurora štata Tenesi Uił Ejers paviedamiŭ sudździ, što nie viedaje, ci źbirajucca ŭłady pryznačać novuju datu pakarańnia.
Sudździa taksama abaviazaŭ ułady štata zachavać usie dokazy, źviazanyja ź niaŭdałaj sprobaj pakarańnia. Hetyja materyjały mohuć być vykarystanyja ŭ budučym sudovym pazovie suprać štata.
Pajk było 18 hadoŭ, kali jana razam sa svaim tahačasnym chłopcam Tadaram Šypam źbiła, katavała i zabiła 19‑hadovuju Kolin Ślemier. Jany paznajomilisia ŭ navučalnym centry dla maładych ludziej z małazabiaśpiečanych siemjaŭ.
Čytajcie taksama:
Asudžanaja na śmierć Krysta Pajk, jakaja pieražyła dźvie śmiarotnyja injekcyi, aprytomnieła
Niaŭdałaja sproba pakarańnia śmierciu Krysty Pajk. Što adbyłosia i što budzie dalej?