U Biełaruś z AAE ekstradziravali hramadzianina Madahaskara, jakoha vinavaciać u arhanizacyi niezakonnaj mihracyi
Mužčynu padazrajuć u arhanizacyi niezakonnaj mihracyi praź Biełaruś u Jeŭrasajuz. Jaho pieradali biełaruskim pradstaŭnikam u aeraporcie Dubaja i dastavili ŭ Minsk. Pra ekstradycyju paviedamiła Ministerstva ŭnutranych spraŭ.
Pavodle MUS, u červieni 2024 hoda mužčyna razam ź inšymi ludźmi arhanizavaŭ niezakonnaje znachodžańnie ŭ Biełarusi 13 zamiežnikaŭ i ich dalejšy vyjezd u ES pa-za punktami propusku.
Havorka idzie pra hramadzian Burundzi, Kamieruna, Kamorskich Astravoŭ i Nihieryi.
Hramadzianina Madahaskara abviaścili ŭ mižnarodny vyšuk praź Interpał. Jaho znajšli ŭ Abjadnanych Arabskich Emiratach, dzie zatrymali i ŭziali pad vartu.
Ułady AAE zadavolili zapyt Hienieralnaj prakuratury Biełarusi ab vydačy mužčyny.