Zialenski admoviŭsia spyniać udary pa rasijskich NPZ, pakul Rasija atakuje ŭkrainskuju enierhietyku
Prezident Ukrainy adkazaŭ Trampu: spynieńnie ŭdaraŭ pavinna być uzajemnym i padmacavanym harantyjami.
Uładzimir Zialenski. Fota: AP Photo / Alex Brandon
Uładzimir Zialenski zajaviŭ 11 kastryčnika, što Ukraina hatovaja spynić udary pa rasijskich NPZ pry ŭmovie, što Maskva pierastanie atakavać jaje enierhietyčnuju infrastrukturu.
«Ukraina budzie hatovaja spynić udary pa rasijskich NPZ, kali Rasija pierastanie nanosić udary pa našaj enierhietyčnaj infrastruktury», — skazaŭ jon.
Pavodle Zialenskaha, lubyja kroki pa deeskałacyi pavinny być uzajemnymi i mieć sapraŭdnyja harantyi.
Jon taksama zajaviŭ, što spynić udary pa enierhietycy možna ŭžo ciapier, ale Uładzimir Pucin hetaha nie choča.
Zialenski nahadaŭ pra maštab rasijskich atak: pavodle jaho, za tydzień Rasija vykarystała kala 1450 avijabombaŭ, 75 rakiet i bolš za 1640 udarnych dronaŭ. Ranicaj 11 kastryčnika ŭ Zaparožžy zaviaršyli pošukava-ratavalnyja raboty paśla ŭdaru, jaki zabiŭ 23 čałavieki, u tym liku čaćviarych dziaciej.
Raniej Tramp skazaŭ, što Zialenski moža rabić z Rasijaj usio, što zachoča, adnak ZŠA paprasili Ukrainu nie atakavać rasijskija NPZ, bo heta stvaraje prablemy ŭsiamu śvietu.
Amierykanski prezident taksama abvinavaciŭ Zialenskaha ŭ niežadańni zaklučać damoŭlenaści i zajaviŭ, što Ukrainie patrebny novy lidar, zdolny damovicca.