Biełarusbank paviedamiŭ pra adnaŭleńnie pracy anłajn-bankinhu
Bałansy rachunkaŭ znoŭ dastupnyja dla prahladu. Pavodle banka, usie servisy pracujuć, a apieracyi prachodziać stabilna.
Biełarusbank paviedamiŭ, što anłajn-bank Belarusbank i «M-Bankinh» znoŭ pracujuć u štatnym režymie. Bank paprasiŭ prabačeńnia za časovyja niazručnaści.
Ranicaj 11 kastryčnika karystalniki skardzilisia, što ŭ dadatkach niekarektna adlustroŭvajucca reštki hrošaj na rachunkach. U niekatorych taksama ŭźnikli prablemy z uvachodam. Bank paćvierdziŭ zboj i paviedamiŭ, što śpiecyjalisty pracujuć nad jaho likvidacyjaj.