Na Kamaroŭcy pradajuć biełaruski batat
Jaho kuplajuć i biełarusy, i hości z azijackich krain.
Fota: «Smartpres»
Na Kamaroŭcy možna znajści batat, vyraščany ŭ Biełarusi. Pryčym roznych koleraŭ — žoŭty, ružovy, čyrvony, fijaletavy, zaŭvažyŭ «Smartpres».
Košt takoha batatu vahajecca ad 12 da 18 rubloŭ za kiłahram. Niekatoryja sarty bolš sałodkija, inšyja majuć prysmak harodniny. Bolš darahi, fijaletavy, taksama maje fijaletavy koler miakaci.
«Biaruć i cikaviacca, tak, — raskazvaje pradaviec. — Pryčym biaruć nie tolki biełarusy, a i hości ź inšych krain, asabliva azijackich. Kažuć, robiać ź jaho šmat straŭ — ad harniraŭ da smuzi».
Fota: «Smartpres»
Batat vyroščvajuć u Minskaj vobłaści, zajmajucca hetaj kulturaj nie pieršy hod.
«Kultura ciepłalubivaja, davodzicca trymać jaje pad plonkaj, ale ŭ astatnim — nie nadta i pieraborlivaja».
Na rynku možna znajści i hryby. Baraviki pa 60‑100 rubloŭ za 1 kh, padasinaviki pa 40 rubloŭ za 1 kh, lisički pa 12 rubloŭ za 1 kh.