Zialenski: My nie bačym ciapier sihnałaŭ z boku Rasii, što jana choča zakančeńnia vajny
Prezident Ukrainy vystupiŭ siońnia na Varšaŭskim forumie pa biaśpiecy.
«My nie bačym ciapier sihnałaŭ z boku Rasii, što jana choča zakančeńnia vajny. My nie bačym elemientarnych krokaŭ da deeskałacyi. Usie havorać pra dyzielnaje paliva i zabyvajuć pra zbožža. Praź miesiac — dva ŭsie pačnuć havaryć pra ahrarny kryzis. Nie budzie chapać praduktaŭ charčavańnia dla krain Afrykanskaha kantynienta, niekatorych krain Azii i Blizkaha Uschodu. Tamu što my ekspartujem miljony ton pradukcyi mienavita na hetyja rynki. A ciapier Rasija błakuje mora», — zajaviŭ Uładzimir Zialenski.
«Złučanyja Štaty hetaha nie adčuvajuć, tamu havorka idzie tolki pra enierhietyku. Heta jašče adzin vyklik. Heta hoład. I jon moža ŭźniknuć u mnohich krainach. I treba dumać pra ŭsio, pra ŭsich. Bo my ŭsie žyviom na hetaj płaniecie. I mnohija roznyja kryzisy my možam spynić jašče da ich pačatku i praduchilić vykliki», — skazaŭ prezident Ukrainy.