Troje inšaziemcaŭ, jakich tydzień šukali ŭ Baranavičach, znajšlisia
Dzie jany byli, nie paviedamlajecca.
Hramadzianie Pakistana, jakich šukali paśla źniknieńnia 6 kastryčnika, znajšlisia samastojna. Pra heta haziecie «Naš kraj» paviedamili ŭ Baranavickim haradskim adździele ŭnutranych spraŭ.
Dzie znachodzilisia mužčyny, čamu pra ich nie było źviestak i jak mienavita jany znajšlisia, u paviedamleńni nie ŭdakładniajecca.
«Usie troje ŭžo prystupili da vykanańnia svaich pracoŭnych abaviazkaŭ», — paviedamlaje vydańnie. Čamu ich nie zvolnili za adsutnaść na pracy, taksama niama infarmacyi.
Raniej pošukava-vyratavalny centr «Aryjencir» apublikavaŭ aryjenciroŭki na Naima Muchamada i Ažara Muchamada, abodvuch 1999 hoda naradžeńnia, a taksama Chana Šaiba Monsura, 1988 hoda naradžeńnia.
Usie troje žyli ŭ internacie na vulicy Kasmanaŭtaŭ, 6. Ranicaj 6 kastryčnika jany vyjšli na pracu, ale tudy nie dajšli. Bolš ich nichto nie bačyŭ.