Zbornaja Biełarusi pa futbole padniałasia ŭ rejtynhu FIFA
Zbornaja Biełarusi pa futbole padniałasia na dźvie pazicyi i zaniała 94‑je miesca ŭ abnoŭlenym rejtynhu Mižnarodnaj fiederacyi futbołu (FIFA).
Zbornaja Biełarusi. Fota: Biełaruskaja fiederacyja futbołu
U pieršuju piaciorku rejtynhu ŭvachodziać zbornyja Ispanii, Arhienciny, Francyi, Anhlii i Partuhalii.
Siarod susiednich krain najvyšejšaje miesca zajmaje Rasija — 35-je. Ukraina znachodzicca na 36‑j pazicyi, Polšča — na 37-j, Łatvija — na 143-j, Litva — na 148-j.
Siarod spabornikaŭ Biełarusi ŭ Lizie nacyj Ałbanija zajmaje 66‑ie miesca, Finlandyja — 75-je, a San-Maryna zamykaje rejtynh na 211‑j pazicyi.
Nastupnaje abnaŭleńnie rejtynhu FIFA zapłanavanaje na 18 listapada.
Čytajcie taksama:
Biełaruś minimalna pieramahła Finlandyju
Zbornaja Biełarusi atrymała pieršuju pieramohu ŭ sioletniaj Lizie nacyj. I adrazu razhromnuju